Испаниянинг "Севилья" ва Англиянинг "Вулверхэмптон" клуби собиқ бош мураббийи Хулен Лопетеги сўнгги ҳафталарда иккита таклифни рад этди, дея хабар беради журналист Николо Скира ижтимоий тармоқларда.
Манбага кўра, таклифлардан бири Англиянинг "Кристал Пэлас" клубидан, иккинчиси эса Саудия Арабистонининг номи ошкор этилмаган клубидан бўлган. Қайд этилишича, испаниялик мутахассис муҳимроқ клубдан таклиф кутмоқда. У Англия Премьер-лигасини афзал кўради.
Эслатиб ўтамиз, Хулен Лопетеги 2023 йил августида "Вулверхэмптон"ни тарк этганидан бери клубсиз қолганди. Аввалроқ Лопетеги “Реал”, “Райо Вальекано”, Испания терма жамоаси ва “Порту”да ҳам ишлаган. Мураббий сифатида Хулен 2019/2020-йилги мавсумда Европа лигасида ғолиб чиқди – ўшанда испаниялик “Севилья” бошқарувида эди.