Каталониянинг "Барселона" клуби янги бош мураббийни танлади. Todofichajes'нинг сўзларига кўра, жамоа бош мураббийи лавозимини "Бавария" ва Германия терма жамоасидаги фаолияти билан танилган германиялик мутахассис Ханс-Дитер Флик эгаллайди. Томонлар шартнома имзолашга келишиб олдилар.

Шартнома бир йилга узайтирилиши мумкин бўлган бир мавсумга мўлжалланган. Агар натижалар клуб раҳбариятини қониқтирса, ҳамкорлик узайтирилади.

Эслатиб ўтамиз, “Барселона”нинг амалдаги бош мураббийи Хави Эрнандес жорий мавсум якунида “кўк-анорранглилар”ни тарк этади. "Барселона" Ла Лига турнир жадвалида учинчи ўринни эгаллаб турибди ва Чемпионлар лигасининг плей-офф босқичида "Наполи" билан тўқнаш келади.