“Барселона” чап қанот ҳимоячиси Маркос Алонсо ёзда Ла Лиганинг бошқа топ-клуби футболчисига айланиши мумкин. Marca хабарига кўра, футболчининг "Атлетико Мадрид"га ўтиш имконияти бор.
Алонсонинг "Барселона" билан шартномаси ёзда тугайди. Раҳбариятнинг тажрибали испаниялик билан шартномани узайтирмаслик қарорини инобатга олсак, футболчи катта эҳтимол билан мавсум якунида эркин агентга айланади.
Фаолияти давомида Ла Лига, Премер-лига ва Чемпионлар лигасида ғолиб чиққан Маркосга "Атлетико Мадрид" қизиқиш билдирмоқда. Испания чемпионатининг жорий мавсумида Алонсо бор-йўғи 4та ўйинда майдонга тушди.
