Римнинг “Лацио” клуби президенти Клаудио Лотито икки футболчи билан янги шартномалар тузишга жиддий киришди.
Гап ярим ҳимоячилар Маттео Закканьи ва Фелипе Андерсон ҳақида кетмоқда. Маттеонинг клуб билан шартномаси бир ярим йилдан кейин, Андерсонники эса жорий мавсум охирида тугайди.
Журналист Николо Скиранинг маълумотларига кўра, Лотито Закканьи ва Андерсон билан шартномани узайтириш бўйича фаол иш бошлаган.
Эслатиб ўтамиз, аввалроқ иккала футболчи ҳам Туриннинг "Ювентус" клубига ўтмоқчи эди. Фелипе ҳақида гапирадиган бўлсак, бразилиялик аллақачон "кекса синёра" билан дастлабки шартнома имзолагани ҳақида миш-мишлар тарқалди.
