Испания чемпионатининг 25-тури доирасида «Барселона» сафарда «Сельта» клуби меҳмони бўлиб, жуда қийин ғалабани қўлга киритди.

Учрашувда хавфли вазиятлар кўп бўлмади. Тўп асосан майдон марказида бўлди. Каталонияликлар биринчи бўлим сўнгида ҳисобни очишга муваффақ бўлишди. Ламин Ямалнинг узатмасидан кейин Левандовски 12 метрлардан зарба бериб, тўпни дарвозага жойлади.

Виголиклар иккинчи бўлим бошида мувозанатни тиклашди. Мингеса томонидан берилган пасдан кейин Аспас 17 метрлардан зарба йўллади. Тўп ҳимоячининг оёғига тегиб ўз йўналишини ўзгартирди ва тўрга бориб тушди.

"Барселона" иккинчи бўлимга қўшиб берилган дақиқаларда ғалабани илиб кетди. Мезбон ҳимоячиси ўз жарима майдони ичида бехосдан Ямални тепиб йиқитиб қўйди. Пенальти. Левандовски томонидан пенальтидан йўлланган зарбани "Сельта" посбони қайтарди. Аммо зарба берилаётган пайтда у чизиқни тарк этгани учун 11 метрли зарба қайтадан ижро этилди. Бу сафар Роберт вазиятни голга айлантирди.

"Барселона" ушбу ғалаба туфайли ўз очколарини 54 тага етказиб, 3-ўринни эгаллаб турибди. "Сельта" эса 20 очко билан 17-ўриинга жойлашган.

Испания Ла лигаси, 25-тур
Сельта – Барселона 1:2 (0:1, 1:1)
Голлар: 0:1 – 45 Левандовски, 1:1 – 47 Аспас, 1:2 – 90, пенальти Левандовски.
Сельта – Гуаита, Мингеса (Васкес, 85), Старфельт, Домингес (Нуньес, 46), Ристич (Санчес, 59), Де Ла Торре, Тапия, Бельтран, Альенде (Сведберг, 77), Аспас, Ларсен (Дувикас, 85).
Барселона – тер Стеген, Кунде, Араухо (Мартинес, 46), Кубарси, Жоау Канселу, Кристенсен (Гюндоган, 58), де Йонг, Педри (Лопес, 75), Ямаль (Ромеу, 90), Левандовски, Роке (Рафинья, 58).
Огоҳлантиришлар: Альенде (15), Кристенсен (38), де Йонг (90), тер Стеген (90), Мартинес (90).