Франция чемпионатининг 22-тури доирасида «ПСЖ» сафарда «Нант» клуби меҳмони бўлиб, ишончли ғалабани қўлга киритди.

Парижликларнинг ҳужумларига мезбонлар бир соат давомида дош беришди. 60-дақиқада эса Люка Эрнандес ҳисобни очди.

Учрашувнинг 62-дақиқасида захирадан ўйинга қўшилган Килиан Мбаппе 78-дақиқада белгиланган пенальтини аниқ амалга ошириб, якуний ҳисобни ўрнатди.

Шу тариқа, Луис Энрике жамоаси кетма-кет 18 ўйиндан бери мағлубиятга учрамаяпти. Жамоа 53 очко билан Лига 1 жадвалида яққол пешқадамлик қилмоқда. «Ницца» ҳисобида 39 очко мавжуд.

Франция чемпионати, 22-тур
Нант – ПСЖ 0:2 (0:0, 0:2)
Голлар: 0:1 – 60 Эрнандес, 0:2 – 78, пенальти Мбаппе.
Нант – Дескам, Паллуа, Кастеллетто, Зезе, Коцца, Сиссоко (Мутуссами, 79), Чиривелья, Дуглас, Коко (Аблин, 79), Кадевере (Траоре, 62), Мохамед (Саймон, 74).
ПСЖ – Доннарумма, Маркиньос (Лукас Бералдо, 70), Данилу Перейра, Эрнандес, Угарте, Витинья, Заир-Эмери, Ли Кан Ин (Дембеле, 61), Асенсио (Мбаппе, 62), Барколя (Гонсалу Рамуш, 46), Коло-Муани (Хакими, 62).
Огоҳлантириш: Сиссоко (77).