"Ливерпуль" ва "Челси" клубларининг собиқ бош мураббийи Рафаэль Бенитес Англия терма жамоасини бошқариш истагини билдирди. Mirror нашри хабарига кўра, испаниялик мутахассис Гарет Саутгейтнинг ўрнига "уч шерлар" мураббийи бўлишга тайёр.

Англия терма жамоасининг амалдаги мураббийи келаси ёзда бўлиб ўтадиган Европа чемпионати якунида жамоани тарк этиши мумкин. Бенитес ҳозирда Ла Лига турнир жадвалида 17-ўринда бораётган Испаниянинг "Сельта" клубини бошқармоқда.

Жамоа тушиб кетиш зонасидан атиги 3 очкога юқорида. Англия терма жамоаси бош мураббийлигига яна бир номзод аввалроқ "Челси" ва "Брайтон"да ишлаган Грем Поттер эканлиги ҳақида аввалроқ хабар берилганди.