"Манчестер Сити" ярим ҳимоячиси Бернарду Силва ўтган ёзда "ПСЖ"га ўтишга тайёр эди.
Telefoot нашри маълумотларига кўра, "шаҳарликлар" раҳбарияти якунда бу келишувга тўсқинлик қилган. Қайд этилишича, "ПСЖ" кейинги трансфер ойнасида Силва учун курашади. Бу сафар португалиялик футболчининг шартномасида товон пули 60 миллион евро бўлади. "Манчестер Сити" парижликларнинг трансферни якунлашига тўсқинлик қила олмаса керак.
Эслатиб ўтамиз, Бернарду аввалроқ Францияда "Монако" сафида ўйнаган ва бу жамоа билан Лига 1 ғолиби бўлган. АПЛнинг ушбу мавсумида ярим ҳимоячи олтита гол урди ва тўртта голли узатмани амалга оширди.
