"Милан" ёзда Оливье Жирунинг МЛСга кетиши ва "ПСЖ"нинг Рафаэль Леауга қизиқишини инобатга олган ҳолда ҳужум чизиғини кучайтиришни ўйламоқда.
TodoFichajes нашри хабарига кўра, "россонерилар"нинг трансфер мақсади "Лилль" ҳужумчиси Жонатан Дэвид бўлиб қолмоқда. Аввалроқ "Лилль" бу футболчи учун 60 миллион евро сўраганди, бу эса "Милан"га тўғри келмаган.
А Серия клуби 24 ёшли Дэвидни тахминан 40 миллионга сотиб олиш мумкинлигига умид қилмоқда, чунки футболчининг амалдаги шартномаси 2025 йилнинг ўрталарига қадар амал қилади.
Шунингдек, Миланнинг нишонида Бундеслиганинг жорий мавсумида иккинчи энг яхши тўпурар бўлиб турган "Штатгарт" ҳужумчиси Серу Гирасси бўлиб турибди.
