Узоқ вақт давомида “Манчестер Юнайтед” ҳужумчиси Расмус Хёйлунд муаммога дуч келди – у Премьер-лигада гол ура олмади.
Унинг голсиз серияси ўн тўрт ўйинга чўзилди ва биринчи голи 26 декабрь куни “Астон Вилла” дарвозасига киритилганди. Шу билан бирга, даниялик Чемпионлар лигасида беш марта рақиблар дарвозасини ишғол қилди.
"Вилла"га қарши ўйиндан сўнг Хёйлунд ҳеч қачон гол урмасдан майдонни тарк этмаган: "Астон Вилла", "Тоттенхэм", "Вульверхэмптон", "Вест Хэм", "Астон Вилла".
Бугун Расмус ўзининг голли сериясини кетма-кет олтита ўйинга етказди ва у дастлабки 7 дақиқада дубл қайд этди ва ҳуштак чалинганидан 35 сония ўтиб биринчи голни урди – бу Премьер-лиганинг 2023/24 йилги мавсумидаги энг тезкор голидир!
