"Манчестер Сити" ҳимоячиси Кайл Уокер жамоанинг жорий мавсумдаги истиқболлари ҳақида ўз фикрлари билан ўртоқлашди.

Шанба куни "шаҳарликлар" ўз майдонида "Челси"ни мағлуб эта олмай (1:1) турнир жадвалида етакчилик қилаётган "Ливерпул"га яқинлашиш имкониятини қўлдан бой берди. Пеп Гвардиола шогирдлари 53 очко билан учинчи ўринда, "Арсенал"да 55 очко, "Ливерпул"да 57 очко бор. Бунинг устига, амалдаги чемпионнинг битта захира ўйини бор.

"Биз кучлироқ бўлиш учун ишлашда давом этамиз. Кўп нарсага эришганимизга қарамай, биз ҳали ҳам яхшиланишимиз мумкинлигини ҳис қиляпман. Биз ғалабаларга чанқоқмиз ва бу муносабат мавсум охиригача давом этишига ишонч ҳосил қилишимиз керак. Мен сардор сифатида шуни хоҳлайман", - деди Уокер.