Лондоннинг "Арсенал" клуби собиқ ҳужумчиси, ҳозирда футбол эксперти Иан Райт "Манчестер Юнайтед"нинг иқтидорли ярим ҳимоячиси Кобби Майнунинг ўйини ҳақида ўз фикрлари билан ўртоқлашди.
"Майну Англия терма жамоасида ўйнаши керак. Инглиз футболчиларининг хаотик ҳаракатларида бундай етукликни анчадан бери кўрмагандим. Мен унинг ўйинларини ҳар сафар ҳайрат билан кузатаман”, — дея Райт ижтимоий тармоқларида хабар қолдирган.
Англия Премьер-лигасининг жорий мавсумида 18 ёшли ярим ҳимоячи 11 та ўйинда майдонга тушиб, битта гол урди ва учта сариқ карточка олди.
