20 февраль куни «Зарафшон» киноконцерт залида Ўзбекистон Футбол Федерациясининг 2012 йил якунларига бағишланган тадбири бўлиб ўтди. Унда 2012 йил лауреатлари тақдирланди.
ЎФФ 2012 йил якунларига бағишланган тадбирда ўзбек футболи ривожига ҳисса қўшган шахслар, мутахассислар, мураббийлар, ҳакамлар, журналистлар ва бошқаларга «O’zbekiston Futbol Federatsiyasi» эсдалик нишонларини топширилди. 7 номинацияда эса, йилнинг энг яхшилари аниқланди.
Қуйида «Зарафшон» киноконцерт залида бўлиб ўтган тақдирлаш маросимидан фотосуратларни томоша қилишингиз мумкин. Суратлар муаллифи – ЎФФ матбуот хизмати ҳодими Ҳасан Пирмуҳамедов.
Ўзбекистон миллий терма жамоаси катта мураббийи Шуҳрат Мақсудов ЎФФ биринчи вице-президенти Сардор Раҳматуллаевдан эсдалик нишонини қабул қилиб олди.
Ўзбекистон терма жамоаси мухлислари клуби бошлиғи Абдураҳмон Фозилов ҳам тақдирланганлар орасида.
«Олмалиқ» жамоаси кетма-кет икки йилдирки мамлакат чемпионатининг энг интизомли жамоаси бўлиб турибди. FAIR PLAY совринини клуб бош мураббийи Игорь Шквирин қабул қилиб олди..
Маросим бошловчилари Зафар Имомхўжаев ҳамда Дилдора Рустамова.
Миллий чемпионат тўпурари - Анвар Бердиев. Тажрибали ҳужумчи мавсум давомида рақиблари дарвозасини 19 маротаба ишғол эта олди
Ўзбекистон U-16 ўсмирлар терма жамоасини ўз тарихида илк маротаба Осиё чемпионати ғолибига айлантирган Дилшод Нуралиев «энг яхши ёшлар мураббийи» соврини билан тақдирланди .
Ўсмирлар ўртасидаги Осиё чемпионати қахрамонлари – Жамшид Болтабоев ҳамда Отабек Шукуров.
Миржалол Қосимов йилнинг энг яхши мураббийи.
Равшан Эрматов кетма-кет 7-маротаба энг яхши ҳакам деб эътироф этилди.
«Йилнинг энг яхши футболчииси» совринини қўлга киритган Санжар Турсунов ЖЧ-2014 саралаш баҳсларида миллий терма жамоанинг етакчиларидан бири бўлди.
