"Вулверхэмптон"нинг собиқ бош мураббийи Хулен Лопетеги Англия Премьер-лигасида ўзига янги иш топишга умид қилмоқда.
Рой Ходжсонга ўринбосар қидираётган “Кристал Пэлас” испанияликнинг истагини бажаришга тайёр эди, бироқ 57 ёшли мутахассис яқинда “бургутлар” таклифини рад этди. Football Insider хабарига кўра, Лопетеги АПЛнинг бошқа клуби "Вест Хэм"да ишлашга қизиқмоқда. "Болғачилар" Дэвид Мойес билан хайрлашишни ўйламоқда.
2024 йил бошидан бери "Вест Хэм" Премьер-лигадаги олтита ўйиннинг бирортасида ҳам ғалаба қозона олмади. Охирги учта учрашувда лондонликлар умумий ҳисобда 0:11 ҳисобида мағлуб бўлишди. Январь ойида Мойес жамоаси Англия кубогидан ҳам чиқиб кетганди.
