"Бавария" ҳужумчиси Томас Мюллер Бундеслиганинг 22-тури доирасидаги кечаги "Бохум"дан учралган мағлубиятдан кейин жамоадаги муҳит ҳақида гапирди. Амалдаги чемпион меҳмонда 2:3 ҳисобида имкониятни бой берди.
“Жамоа ўйинчилари нимани ҳис қилаётганини таърифлаш учун сўз топиш қийин. Биз олдинга қадам ташлашимиз керак, гарчи бу қийин бўлиб туюлса ҳам", - деди ҳужумчи.
Бу “Бавария”нинг миллий чемпионатдаги қаторасига иккинчи мағлубияти бўлди. Бунгача мюнхенликлар "Байер"га йирик ҳисобда ютқазганди (0:3). 22 тур якунларига кўра, Томас Тухель жамоаси пешқадам “Байер”дан 8 очко ортда қолиб, турнир жадвалида иккинчи ўринни эгаллаб турибди.
