"Bavariya" hujumchisi Tomas Myuller Bundesliganing 22-turi doirasidagi kechagi "Boxum"dan uchralgan mag‘lubiyatdan keyin jamoadagi muhit haqida gapirdi. Amaldagi chempion mehmonda 2:3 hisobida imkoniyatni boy berdi.

“Jamoa o‘yinchilari nimani his qilayotganini ta’riflash uchun so‘z topish qiyin. Biz oldinga qadam tashlashimiz kerak, garchi bu qiyin bo‘lib tuyulsa ham", - dedi hujumchi.

Bu “Bavariya”ning milliy chempionatdagi qatorasiga ikkinchi mag‘lubiyati bo‘ldi. Bungacha myunxenliklar "Bayer"ga yirik hisobda yutqazgandi (0:3). 22 tur yakunlariga ko‘ra, Tomas Tuxel jamoasi peshqadam “Bayer”dan 8 ochko ortda qolib, turnir jadvalida ikkinchi o‘rinni egallab turibdi.