"Манчестер Юнайтед"нинг собиқ футболчиси Гари Невилл собиқ жамоасининг "Лутон Таун" устидан қозонилган ғалабасидан сўнг (2:1) ўз фикрлари билан ўртоқлашди.
“Қизил иблислар” Премьер-лига баҳсида Расмус Хёйлунднинг дубли эвазига ғалабани қўлга киритди.
"Хёйлунд жуда яхши ўйнади, аммо "Манчестер Юнайтед" "Лутон"га ўйинга қайтишга рухсат берди. Ўйлайманки, бу ғалабадан сўнг жамоа "Астон Вилла" ва "Тоттенхэм"га ҳақиқий босим ўтказмоқда, деб айтишимиз мумкин", - деди Sky ТВ эксперти Невилл.