"Манчестер Сити" бош мураббийи Пеп Гвардиола жамоасидаги ҳозирги ҳолатга баҳо берди. Агар "Сити" "Брентфорд"га қарши захира ўйинида ғалаба қозонса, Англия Премьер-лигасида иккинчи ўринга кўтарилади. “Ливерпуль” билан фарқ бир очкога қисқаради.
"Мен нега одамлар "Манчестер Сити"га шубҳа қилишларини тушунаман, лекин шахсан мен ҳамма нарсадан мамнунман. Биз "Челси"га паст баҳо бермаслигимиз керак. Бундай натижалар (1:1 дуранг) содир бўлади, аммо биз ўйинда муносиброқ кўрингандик. Менда юқори стандартлар бор, уларни сақлаб қолиш осон эмас”, деди Гвардиола матбуот анжуманида.
Эслатиб ўтамиз, 1-даврада “Манчестер Сити” сафарда “Брентфорд”ни 3:1 ҳисобида мағлуб этган эди.