Сешанба куни "Манчестер Сити" Англия Премьер-лигаси доирасида "Брентфорд"га қарши уй учрашувини ўтказади. "Шаҳарликлар" бош мураббийи Хосеп Гвардиола ўйин олдидан чемпионлик учун кураш ҳақида гапирди.
"Биз учун эртанги ўйин "Арсенал"дан ўтиб, "Ливерпул"га яқинлашиш учун имкониятдир. Премьер-лигада ғолиб чиқамизми, билмайман. Аммо биз ҳали ҳам пойгадамиз, шунинг учун биз давом этамиз. Биз ривожланишда давом этишимиз, диққатимизни жамлашимиз ва чемпионлик учун курашишимиз керак”, деди Гвардиола душанба куни бўлиб ўтган матбуот анжуманида.
Айни вақтда "Манчестер Сити" турнир жадвалида учинчи ўринда бормоқда (24 ўйиндан 53 очко). “Арсенал” (25 ўйинда 55 очко) ва “Ливерпуль” (25 ўйинда 57 очко) юқорироқ.
