Неймарга яна "ПСЖ" ва Килиан Мбаппе раҳбариятини танқид қилган пост ёқди.
"Ал-Ҳилол” ва Бразилия терма жамоаси ҳужумчисига Jogada Ensaiada аккаунтининг "Инстаграм"даги пости ёқди, унда Килиан Мбаппенинг хатти-ҳаракати ва "ПСЖ" раҳбариятининг франциялик ҳужумчига нисбатан муносабати танқид қилинади. Кейинроқ Неймар постдан байроқчани олиб ташлади.
"ПСЖ" футбол бошқарувининг намунасидир. Улар энг яхши ўйинчиларни йиғиб, сайёрамизнинг энг яхши таркибини шакллантиришга муваффақ бўлишди.
Жамоада қурилиш бошлаганида, бир французнинг эгоси атмосферани буза бошлади. Мбаппе ўзини жойида эмасдек ҳис қила бошлади - жамоанинг аксарияти испан тилида гаплашди ва у клубни тарк этиш билан таҳдид қилди. "ПСЖ" ўз севимлисини йўқотмаслик учун Мбаппенинг фикрига қўшилмаганларни сотиб, у сўраган французлар билан шартнома имзолашни бошлади.
Ва барча истаклар амалга ошгач, Мбаппе мавсум охирида "ПСЖ"ни тарк этишини маълум қилди. Ҳеч бир ўйинчи клубдан юқори бўлмаслиги керак", - дейилади постда.
Эътиборли томони, Неймар ҳам авваллари Мбаппени танқид қилган нашрларни бир неча постга "лайк" босганди. Ўтган йилнинг май ойида бразилиялик футболчига Килианнинг характери ҳақидаги видео ёққан, август ойида эса L’Equipe нашри француз Неймарнинг "ПСЖ"ни тарк этганидан хурсанд бўлгани ва уни таркибдан четлатишини сўраган мақоласидан кўчирма ёзилган постни ёқтирганди.
