Neymarga yana "PSJ" va Kilian Mbappe rahbariyatini tanqid qilgan post yoqdi.

"Al-Hilol” va Braziliya terma jamoasi hujumchisiga Jogada Ensaiada akkauntining "Instagram"dagi posti yoqdi, unda Kilian Mbappening xatti-harakati va "PSJ" rahbariyatining fransiyalik hujumchiga nisbatan munosabati tanqid qilinadi. Keyinroq Neymar postdan bayroqchani olib tashladi.

"PSJ" futbol boshqaruvining namunasidir. Ular eng yaxshi o‘yinchilarni yig‘ib, sayyoramizning eng yaxshi tarkibini shakllantirishga muvaffaq bo‘lishdi.

Jamoada qurilish boshlaganida, bir fransuzning egosi atmosferani buza boshladi. Mbappe o‘zini joyida emasdek his qila boshladi - jamoaning aksariyati ispan tilida gaplashdi va u klubni tark etish bilan tahdid qildi. "PSJ" o‘z sevimlisini yo‘qotmaslik uchun Mbappening fikriga qo‘shilmaganlarni sotib, u so‘ragan fransuzlar bilan shartnoma imzolashni boshladi.

Va barcha istaklar amalga oshgach, Mbappe mavsum oxirida "PSJ"ni tark etishini ma’lum qildi. Hech bir o‘yinchi klubdan yuqori bo‘lmasligi kerak", - deyiladi postda.

E’tiborli tomoni, Neymar ham avvallari Mbappeni tanqid qilgan nashrlarni bir necha postga "layk" bosgandi. O‘tgan yilning may oyida braziliyalik futbolchiga Kilianning xarakteri haqidagi video yoqqan, avgust oyida esa L’Equipe nashri fransuz Neymarning "PSJ"ni tark etganidan xursand bo‘lgani va uni tarkibdan chetlatishini so‘ragan maqolasidan ko‘chirma yozilgan postni yoqtirgandi.