Дортмунднинг "Боруссия" клуби бош мураббийи Эдин Терзич Чемпионлар лигасининг 1/8 финали доирасидаги Нидерландиянинг ПСВ жамоасига қарши ўйин олдидан ОАВ вакиллари билан суҳбатлашди.
"Биз рақибларга ҳурмат билан қараймиз. Бўлажак ўйинда муваффақият қозониш учун ҳам тўпга эгалик қилиш, ҳам яхши қарши ҳужум футболи керак. Биз Европанинг энг яхши 16 жамоаси қаторидан жой олганимиздан хурсандмиз. "Боруссия" бу ерга шунчаки етиб келмади. Жамоа кейинги босқичга чиқишга аҳд қилди", - деди Терзич УЕФА матбуот хизматига.
Бугун, 20 февраль куни Эйндховендаги стадионда ПСВ ва "Боруссия" ўртасидаги илк учрашув бўлиб ўтади.
