Кеча Вальтер Маццарри "Наполи" бош мураббийи лавозимини тарк этгани маълум бўлди. Унинг ўрнига жамоани Словакия терма жамоаси бош мураббийи Франческо Кальцона бошқаради.
Бу Неаполитан клубида жорий мавсумдаги иккинчи мураббий алмашинувидир. Ноябрь ойида жамоада биринчи йили бўлган Руди Гарсия ишдан бўшатилди.
Аввалги марта "Наполи" 1997/98 йилги мавсумда тез мураббий алмаштирган эди. Кейин жамоани бирданига 4 нафар мутахассис – Бортоло Мутти, Карло Маццоне, Джованни Галеоне ва Винченцо Монтефуско бошқарган.
Ўшанда “Наполи” 24 та мағлубият билан 34 ўйинда 14 очко тўплаган ва А Серияда охирги ўринни эгаллаган ва қуйи лигага тушиб кетган.
Айни пайтда клуб 24 турдан кейин 36 очко билан А Серия турнир жадвалида 9-ўринни эгаллаб турибди.
