Мадриднинг “Атлетико” клуби бош мураббийи Диего Симеоне УEФА Чемпионлар лигасидаги қарама-қаршилик олдидан “Интер” ҳужумчиси Лаутаро Мартинес ҳақидаги фикрлари билан ўртоқлашди.

"Мартинес "Атлетико"да ўйнаши мумкин эди, аммо бошқа йўлни танлашга қарор қилди. У жуда яхши футболчи, майдонда ўз даражасини исботлайди. Унга ҳеч қандай шикоятим йўқ, чунки у бошқа жойни танлаган. Мен унинг муваффақиятидан доим қувонаман, чунки Лаутаро менинг ҳамюртим", - дея бош мураббийнинг сўзларини келтиради Relevo.

Бугун, 20 февраль куни Миландаги стадионда “Интер” ва “Атлетико Мадрид” жамоалари ўртасидаги илк учрашув бўлиб ўтади.