"Барселона"нинг 16 ёшли ҳужумчиси Ламин Ямалнинг айтишича, у болалигида доимо футбол ўйнаган ва кўп вақтини кўчада ўтказган.
“Эсимда, тўрт ёшимда бир марта дўстларим билан кўчага чиқиб, боғда дадам ва амакиваччамнинг футбол ўйнаётганини кўрганман. Айнан шу дақиқада мен бу ўйинни севиб қолдим. Ўйлайманки, мен болалигимда уйда эмас, балки ташқарида кўпроқ вақт ўтказдим. Кичкиналигимда мени дарвозабон қилиб қўйишди. Кўпинча юзимга тўп билан зарба тегар эди", - дея Ямалнинг сўзларини келтиради Mundo Deportivo.
Ямал каталонияликлар тарбияланувчиси бўлиб, 2023 йилнинг ёзида "Барселона"нинг асосий жамоасига қўшилган. Жорий мавсумда 16 ёшли футболчи барча турнирларда 34 та ўйин ўтказиб, 5 та гол ва 5 та голли узатмани амалга оширди.
