Ўтган дам олиш кунлари Нидерландия чемпионатининг йигирма иккинчи тур ўйинлари бўлиб ўтди. Амстердамнинг "Аякс" клуби ўз уйида Неймегеннинг НЕК клубини қабул қилди, унда даниялик футболчи Лассе Шоне ўзининг собиқ жамоасига қарши майдонга тушди - бир неча йил олдин Эрик тен Хаг бошқарувидаги "Аякс"да Шоне амстердамликлар шарафини ҳимоя қилганди.
Бу даниялик футболчининг Нидерландия чемпионатидаги 434-учрашуви бўлди ва шу тариқа Шоне рекордни янгилади. Аввалги рекорд Жанубий африкалик Ханс Вонкка тегишли эди. У "Херенвен" ва "Аякс" сафида шунча ўйин ўтказган.
Шоне ҳозирда Эредивизия тарихидаги энг тажрибали легионер ҳисобланади.
