"Манчестер Юнайтед" ҳужумчи Маркус Рэшфорднинг сотувидан қанча пул олиш истагида эканлигини маълум қилди. Бу ҳақда журналист Доминик Бут хабар берди.
Манбанинг хабар беришича, манкунианликлар топ-клуби 26 ёшли ҳужумчининг трансфери учун камида 100 миллион фунт сўрамоқчи. Маркусга даъвогарлар орасида Франциянинг ПСЖ жамоаси бор. Парижликлар ёзда "Реал"га ўтадиган Килиан Мбаппе ўрнига Рэшфордни олиб келмоқчи.
Transfermarkt портали форварднинг бозор қийматини 70 миллионга баҳоламоқда. Футболчининг меҳнат шартномаси 2028 йилнинг ўрталарига қадар тузилган.