"Астон Вилла" кейинги трансфер ойнасида чап қанот ҳимоячиси Лукас Динь билан хайрлашишга тайёр. Fichajes хабарига кўра, франциялик қанот ҳимоячиси Унаи Эмери бошчилигидаги мураббийлар штабининг режаларига киритилмаган.
30 ёшли Динь мавсумнинг биринчи ярмида "Астон Вилла"нинг асосий чап қанот ҳимоячиси эди, бироқ кейин вазият кескин ўзгарди. Франциялик футболчи охирги марта 26 декабрь куни "Манчестер Юнайтед"га қарши АПЛ ўйинида жамоасининг асосий таркибида майдонга тушган эди. Бу ўйинда футболчи 50-дақиқада алмаштирилди.
Фаолиятининг аввалида Динь "Эвертон", Каталониянинг "Барселона", "ПСЖ" ва "Рома" каби клубларда ўйнаган.
