Пепе Чемпионлар лигаси плей-офф ўйинида майдонга тушган энг кекса футболчига айлангани ҳақида хабар бергандик.
40 ёшли марказий ҳимоячи “Порту”нинг “Арсенал”ни мағлуб этишига (1:0) ёрдам берди. Қизиғи шундаки, параллел ўтган ўйинда тескари рекорд ўрнатилди:
"Барселона"нинг 16 ёшли вингери Ламин Ямал Чемпионлар лигаси плей-оффида ўйнаган энг ёш футболчига айланди. Squawka таъкидлаганидек, Пепе энг нуфузли Европа кубогининг плей-офф босқичида дебют қилганида, Ямал ҳали туғилмаган эди - у икки йилдан кейин туғилган. Пепе 26 февраль куни ўзининг 41 ёшини нишонлайди. У ҳозирги минг йилликнинг бошидан буён профессионал тарзда ўйнаб келмоқда. Ямал июль ойида 17 ёшга тўлади.
