Неймарнинг оиласи Дани Алвесга зўрлаш қурбонига товон тўлашда ёрдам берди.

Кеча суд “Барселона” ва Бразилия терма жамоасининг собиқ ҳимоячисини 2022 йил декабрь ойида Барселонадаги “Саттон” тунги клубида қизни зўрлагани учун 4,5 йилга озодликдан маҳрум қилди. Бундан ташқари, Дани жабрланувчига 150 минг евро тўлаши ва суд харажатларини қоплаши керак бўлади. Шунингдек, собиқ футболчига 9,5 йил давомида жабрланувчига яқинлашиш тақиқланган.

UOL хабарига кўра, Неймарнинг оиласи Алвесга жабрланувчига маънавий товон тўлашда ёрдам берган. Бу унинг охирги ҳукмини қисқартиришга имкон берди.

Шунингдек, ўтган йилнинг июнь ойидан бошлаб Алвеснинг суддаги манфаатларини Неймарнинг отаси компанияларининг узоқ йиллик қонуний вакилларидан бири Густаво Хисто ҳимоя қилгани маълум қилинганди.