Англиялик дарвозабон Жо Харт мавсум охирида профессионал футболдаги фаолиятини якунлайди.

36 ёшли дарвозабон айни дамда ўтган мавсумда Шотландияда треблни қўлга киритган "Селтик"да ўйнайди. Харт яқинда клубга Глазгодаги учинчи мавсуми унинг охиргиси бўлишини маълум қилди.

Жо Харт клуб миқёсида 690 та ўйинда майдонга тушган. У шунингдек, "Манчестер Сити" (2006-2018), "Тоттенхэм", "Вест Хэм", "Бёрнли", "Бирмингем", "Торино", "Транмер" ва "Шрусбери" клубларида ҳам ўйнаган.

Дарвозабон 2010 йилдан 2016 йилгача тўртта йирик турнирда Англия терма жамоаси таркибида бўлган.