Европа лигаси 1/16 финал босқичи «Ланс» клуби Германияда «Фрайбург»га қарши жавоб учрашувини ўтказди. Дастлабки ўйинда ҳисоб очилмаганди.

Абдуқодир Ҳусанов мазкур ўйинни асосий таркибда бошлади. Лансликлар учун биринчи бўлим жуда яхши ўтди. Жамоа Давид Кошта ва Ваи томонидан урилган голлар эвазига 2 та тўп фарқи билан олдинга ўтиб олди.

Аммо мезбонлар футболчиси Шаллаи 67-дақиқада биринчи жавоб тўпини киритган бўлса, иккинчи бўлимга қўшиб берилган дақиқаларда ҳисобни тенглаштиришга муваффақ бўлди.

Қўшимча бўлимларда эса «Фрайбург» ғалаба голини уриб, нимчорак финал босқичига йўл олди. «Ланс» мазкур босқичда ўз иштирокини якунлади.

Ҳамюртимиз ўйин охирига қадар майдонда ҳаракат қилди.

Европа лигаси, 1/16 финал, жавоб ўйини
Фрайбург Германия – Ланс Франция 3:2 (0:2, 2:0, 1:0)
Голлар: 0:1 – 28 Давид Кошта, 0:2 – 45 Ваи, 1:2 – 67 Шаллаи, 2:2 – 90 Шаллаи, 3:2 – 99 Грегорич.
Фрайбург – Атуболу, Кюблер (Гюнтер, 101), Гульде (Гинтер, 86), Сильдийя (Вайсхаупт, 46), Макенго (Грегорич, 46), Доан, Рель (Грифо, 86), Хефлер, Эггештайн, Шаллаи (Муслия, 105), Хелер.
Ланс – Самба, Гради (Диуф, 103), Медина, Абдуқодир Ҳусанов, Чавес (Айдара, 80), Франковски (Агиляр, 73), Абдул-Самед (Саид, 103), Давид Кошта (Фюльжени, 81), Эль-Энауи, Сотока, Ваи (Гилавоги, 74).
Огоҳлантиришлар: Хелер (43), Кюблер (61), Франковски (65), Сотока (67), Фюльжени (95), Медина (105), Саид (120), Самба (120).
Дастлабки ўйин – 0:0