“Рома” Европа лигаси плей-офф босқичи жавоб ўйинида “Фейеноорд”ни пенальтилар сериясида (1:1, 4:2) мағлуб этди.

Нидерландия жамоаси сафида Давид Ганцко ва Алиризо Жаҳонбахш ўз уринишларини голга айлантира олмади. Финал ҳуштаги янграгач, “Рома” ҳужумчиси Сердар Азмун амалга ошира олмаган пенальтисидан жуда хафа бўлган Жаҳонбахшга тасалли берди. Иккаласи ҳам Эрон терма жамоасида ўйнайди.

23 февраль куни Ньон шаҳридаги Европа футбол уйида Европа лигасининг 1/8 финал босқичига қуръа ташлаш маросими бўлиб ўтади.