Лондоннинг "Арсенал" клуби "Барселона"да ижара асосида ўйнаётган "Манчестер Сити" ҳимоячиси Жоау Канселуни ўз сафига қўшиб олмоқчи. Бу ҳақда журналист Храч Хачатрян Х ижтимоий тармоғида маълум қилди.
Манбага кўра, "Арсенал" "Барселона" билан боғлиқ вазиятни кузатмоқда, шу сабаб каталонияликлар Канселунинг ижара муддатини узайтира олмаслиги мумкин.
Эслатиб ўтамиз, "Манчестер Сити" ва "Барселона" ўртасидаги ижара шартномаси 2024 йилнинг июнь ойи охиригача амал қилади. Аввалроқ португалиялик ҳимоячи “Барселона”да қолишни ва ўйнашни давом эттиришни хоҳлаётгани ҳақида хабар берилганди.