Мадриднинг “Атлетико” клуби бош мураббийи Диего Симеоне Чемпионлар лигаси 1/8 финалидан ўрин олган “Интер”га (0:1) қарши ўйинда Антуан Гризманнинг жароҳатидан тикланиши ҳақидаги саволларга очиқ жавоб берди.
“Биз Гризманни ҳар доим ўйнашга мажбурламаймиз. У тайёр бўлгач, қайтиб келади. Бизга энг яхши Гризманн керак, аммо у ҳозир жароҳат олган. Аммо Чемпионлар лигасида "Интер" билан ўйинда Гризманга дам бермаганимдан афсусланмайман", - дея Симеоненинг сўзларини келтиради Marca.
Тахминларга кўра, 32 ёшли форвард Испания Кубогининг иккинчи ярим финалида "Атлетико"нинг сафарда "Атлетик Билбао"га қарши ўйинини аниқ ўтказиб юборади. Учрашув 29 февраль куни бўлиб ўтади.
Жорий мавсумда Гризманн клуб сафида барча турнирлар доирасида 36 та ўйин ўтказиб, 18 та гол урди ва 7 та голга ассистентлик қилди.
