"Милан" бош мураббийи Стефано Пиоли ўз жамоаси вингерлари Кристиан Пулишич ва Самуел Чуквуезе ўртасидаги асосий фарқни айтиб ўтди.
“Кристиан ва Самуел бир хил футбол фазилатларига эга ва бир хил позицияни эгаллайди. Бироқ, айни дамда уларнинг орасидаги фарқ шундаки, Пулишич гол уради ва машғулотларда астойдил ҳаракат қилади. Чуквуезе, ўз навбатида, худди шундай қилиши керак", дейди Пиоли.
Жорий мавсумда Пулишич “Милан” сафида барча мусобақаларда 33 та ўйинда майдонга тушиб, 8 та гол ва 7 та голли узатмага муаллифлик қилган. Чуквуезе 21 ўйин ўтказиб, иккита гол уришга муваффақ бўлди ва битта голли узатма ҳам амалга оширди.
