"Milan" bosh murabbiyi Stefano Pioli o‘z jamoasi vingerlari Kristian Pulishich va Samuyel Chukvuyeze o‘rtasidagi asosiy farqni aytib o‘tdi.
“Kristian va Samuyel bir xil futbol fazilatlariga ega va bir xil pozisiyani egallaydi. Biroq, ayni damda ularning orasidagi farq shundaki, Pulishich gol uradi va mashg‘ulotlarda astoydil harakat qiladi. Chukvuyeze, o‘z navbatida, xuddi shunday qilishi kerak", deydi Pioli.
Joriy mavsumda Pulishich “Milan” safida barcha musobaqalarda 33 ta o‘yinda maydonga tushib, 8 ta gol va 7 ta golli uzatmaga mualliflik qilgan. Chukvuyeze 21 o‘yin o‘tkazib, ikkita gol urishga muvaffaq bo‘ldi va bitta golli uzatma ham amalga oshirdi.
