Мадриднинг “Реал” клуби бош мураббийи Карло Анчелотти сонидан олган жароҳати туфайли сўнгги ўйинларда жамоасига ёрдам бера олмаган марказий ҳимоячи Антонио Рюдигернинг аҳволи ҳақидаги муҳим янгилик билан ўртоқлашди.
“Рюдигер “Севилья”га қарши ўйнашга тайёр. У эртага асосий таркибда майдонга тушади" - деди Анчелотти ўйинолди матбуот анжуманида.
Эслатиб ўтамиз, сўнгги ўйинларнинг аксариятида Анчелотти фақат битта номинал марказий ҳимоячи - Начо Фернандес хизматидан фойдалана олди. Рюдигердан ташқари, Эдер Милитао ва Давид Алаба ҳам "Қироллик клуби" лазаретида.
