"Бавария" бош мураббийи Томас Тухель келаси ёзда Англия Премьер-лигасига қайтиш имкониятини истисно этмаяпти. Олдинроқ германиялик мутахассис хизматларига Лондоннинг “Вест Хэм” клуби қизиқаётгани ҳақида хабар берилган эди.
Бироқ, Bild хабарига кўра, Тухель "болғачилар"дан бош тортади. Томас Лондоннинг бирорта клубини бошқариш ниятида эмас, чунки у аввалроқ "Челси"да ишлаган.
Томас учун вариантлар орасида “Манчестер Юнайтед” ва “Ливерпуль” бор. Томас “Барселона”ни ҳам бошқариши мумкин. "Бавария" яқинда Тухель ёзда жамоани тарк этишини расман эълон қилди.
