Бундан роппа-роса 5 йил муқаддам, 2019 йилнинг 24 февраль куни Англия Лига кубоги финал баҳси "Челси" ва "Манчестер Сити" ўртасида бўлиб ўтганди. Ҳисоб 0:0, якунда Лондон жамоасининг ўша пайтдаги бошқарувчиси Маурицио Сарри пенальтилар серияси учун тажрибали дарвозабон Вилли Кабалерони майдонга туширмоқчи эди. Бироқ дарвозабон Кепа Аррисабалага майдонни тарк этишдан бош тортди.
Сарри Кепанинг бу ҳаракатига шафқатсиз муносабатда бўлди - мураббийнинг жуда жаҳли чиқди. Натижада ўзгартириш амалга ошмади. Якунда "Челси" "Манчестер Сити"га пенальтилар сериясида 3:4 ҳисобида имкониятни бой берди.
Эслатиб ўтамиз, келаётган якшанба, 25 февраль куни "Челси" Англия лига кубоги финалида "Ливерпул"га қарши майдонга тушади.
