Бразилия ишчилар партияси раҳбари Глейси Хоффманн "Ал-Ҳилол" футболчиси Неймарни бразилиялик собиқ жамоадоши Дани Алвесга молиявий ёрдам бергани учун қоралади.
"Зўрловчи Дани Алвесга нисбатан чиқарилган ҳукм намунали ва жамият энди жинсий ва мисогинистик хатти-ҳаракатларга тоқат қилмаслигини кўрсатади. У Неймардан қарз олиб, товон пулини тўлаб, жазосини юмшатгани бемаънилик бўлди", - деди Хоффманн 20minutos билан суҳбатда.
Эслатиб ўтамиз, Неймарнинг оиласи Алвесга 150 минг евро миқдоридаги жариманинг бир қисмини тўлашда ёрдам берган, бу ҳам маънавий зарарни қоплаш учун кетади, шунингдек, унга адвокат ёллаган.
Олдинроқ Алвес 4,5 йил қамоқ ва 5 йил синов муддатига ҳукм қилингани маълум бўлганди. Январь ойида бразилиялик Барселонадаги "Саттон" тунги клубида 23 ёшли қизни зўрлаганликда айбланган эди. 20 январь куни собиқ футболчи ҳибсга олинди.
