Braziliya ishchilar partiyasi rahbari Gleysi Xoffmann "Al-Hilol" futbolchisi Neymarni braziliyalik sobiq jamoadoshi Dani Alvesga moliyaviy yordam bergani uchun qoraladi.
"Zo‘rlovchi Dani Alvesga nisbatan chiqarilgan hukm namunali va jamiyat endi jinsiy va misoginistik xatti-harakatlarga toqat qilmasligini ko‘rsatadi. U Neymardan qarz olib, tovon pulini to‘lab, jazosini yumshatgani bema’nilik bo‘ldi", - dedi Xoffmann 20minutos bilan suhbatda.
Eslatib o‘tamiz, Neymarning oilasi Alvesga 150 ming yevro miqdoridagi jarimaning bir qismini to‘lashda yordam bergan, bu ham ma’naviy zararni qoplash uchun ketadi, shuningdek, unga advokat yollagan.
Oldinroq Alves 4,5 yil qamoq va 5 yil sinov muddatiga hukm qilingani ma’lum bo‘lgandi. Yanvar oyida braziliyalik Barselonadagi "Satton" tungi klubida 23 yoshli qizni zo‘rlaganlikda ayblangan edi. 20 yanvar kuni sobiq futbolchi hibsga olindi.
