"Бавария" ҳужумчиси Ҳарри Кейн "РБ Лейпциг" устидан қозонилган ғалабадан сўнг (2:1) фикрлари билан ўртоқлашди. Айнан англиялик дубл қайд этиб, Томас Тухель шогирдларига ғалабасиз сериясини тугатиш имконини берди.
"Ўйлашимча, биз бугун яхши ўйнадик, бошидан охиригача майдоннинг энг яхши жамоаси эдик. Балки биз кўпроқ гол уришимиз керак эди, айниқса биринчи бўлимда. Албатта, биздан сўнгги воқеалардан кейин муносабат билдириш талаб қилинди. Иккита гол уриб, жамоага ғалаба қозонишга ёрдам бериш жуда ёқимли", - дея Кейн сўзларини келтиради Bild.
