"Bavariya" hujumchisi Harri Keyn "RB Leypsig" ustidan qozonilgan g‘alabadan so‘ng (2:1) fikrlari bilan o‘rtoqlashdi. Aynan angliyalik dubl qayd etib, Tomas Tuxel shogirdlariga g‘alabasiz seriyasini tugatish imkonini berdi.
"O‘ylashimcha, biz bugun yaxshi o‘ynadik, boshidan oxirigacha maydonning eng yaxshi jamoasi edik. Balki biz ko‘proq gol urishimiz kerak edi, ayniqsa birinchi bo‘limda. Albatta, bizdan so‘nggi voqealardan keyin munosabat bildirish talab qilindi. Ikkita gol urib, jamoaga g‘alaba qozonishga yordam berish juda yoqimli", - deya Keyn so‘zlarini keltiradi Bild.
