"Манчестер Сити" бош мураббийи Пеп Гвардиола жамоасининг тақвимидан нолиди. Сўнгги икки ҳафта ичида "шаҳарликлар" барча мусобақаларда бешта ўйин ўтказди, шу жумладан, Чемпионлар лигаси доирасида Даниянинг "Копенгаген" жамоасига қарши ўйин.
Бугун Гвардиола шогирдлари АПЛ доирасидаги ўйинда "Борнмут"ни меҳмонда мағлуб этишди (1:0), уч кундан кейин эса Англия кубоги доирасида "Лутон"га қарши яна хорижда меҳмонда майдонга тушишади.
"Бундай тақвим учун сизга катта раҳмат. Бу жуда кўп, мутлақо. Аммо бу жараён давом этиши керак", - дея испаниялик мураббийнинг сўзларини келтиради Siti Xtra.