"Манчестер Сити" ва Аргентина терма жамоасининг собиқ ҳужумчиси Серхио Агуеро юраги билан боғлиқ муаммолар туфайли 2021 йилда якунлаган футболчилик фаолиятини қисқа муддатга давом эттириши мумкин.

35 ёшли футболчининг хизматларига Аргентинанинг "Индепендиенте" клуби қизиқиш билдирмоқда. Бу ҳақда Mundo Deportivo хабар бермоқда.

Аввалроқ Агуэро жонли эфирда кардиологга қўнғироқ қилиб, майдонда 10-20 дақиқа ўйин вақтини ўтказа олишини сўради.

Мутахассис собиқ футболчига жисмоний ҳолати яхшиланса, соғлигида ҳеч қандай муаммо бўлмаслиги кераклигини айтди.