"Реал"нинг собиқ ҳужумчиси Иван Саморано 1992 йилда "Севилья"дан "қироллик клуби"га ўтиши қандай амалга оширилгани ҳақида гапирди.
“1991/1992 йилги мавсумдан сўнг синглимнинг тўйи учун Чилига таътилга бордим. Дадам биз болалигимизда оламдан ўтди ва мен унинг ҳаётидаги энг муҳим дақиқада у билан бирга юришга мажбур бўлдим. Маросим бошланиши билан стационар телефон жиринглади — ҳали уяли телефонлар йўқ эди.
Куёвимнинг онаси менга Испаниядан зудлик билан қўнғироқ қилишганини айтди. Менга гапиришга рухсат берилди. Менинг вакилим Алберто Толдра алоқада эди. У менга: “Табриклайман! Сиз "Реал Мадрид" учун янги футболчисиз. Кечқурун Испанияга шартнома имзолаш учун боришингизни истайман.
Мен асабийлашдим ва нима деб жавоб беришни билмасдим. Хонадагиларнинг ҳаммаси менга тикилиб қолишди. Шунда хаёлимга: "Алберто, мен сизга кейинроқ қўнғироқ қиламан" деган фикр келди. У эшитганига ишонмади ва менга деди: “Сен аҳмоқмисан? "Реал"да ўйнайсан деяпман, кейинроқ қўнғироқ қиламан дейсанми?, дея дакки берди. Шу пайт мен қўнғироқни тугатдим", - дея Заморанонинг сўзларини келтиради AS.
