Италияда А Сериянинг йигирма олтинчи тур ўйинлари бўлиб ўтмоқда, "Милан" ўз майдонида "Аталанта"ни қабул қилди ва тезкор гол уришга эришди - ўйиннинг учинчи дақиқасидаёқ Рафаэль Леау "Аталанта" дарвозасига тўп киритди. Аммо баҳс 1:1 ҳисобида якунланди.

Бу Леаунинг А Сериядаги 42-голи бўлди, у аввалроқ "Фиорентина" ва "Милан"да ўйнаган Руй Коштага тенглашди. Олдинда ундан кўп гол урган фақат битта португалиялик футболчи бор - бу, албатта, Туриннинг "Ювентус" клубида ўйнаган Криштиану Роналду.

Италия чемпионатининг навбатдаги турида “Милан” Римнинг “Лацио”сига қарши баҳс олиб боради.