Жанубий Кореянинг "Спортс Чосун" нашрининг хабар беришича, Корея футбол ассоциацияси Эрве Ренар билан музокаралар олиб бормоқда.
Ренарнинг маоши собиқ бош мураббий Юрген Клинсманникидан камроқ бўлиши ва Ренар ўзи билан бир ёки иккита ассистент мураббий олиб келиши маълум бўлган. Музокаралар муваффақиятли якунланган тақдирда ҳам, Ренар Франция аёллар терма жамоасини фақатгина август ойида тарк этади.
Март ойидаги ЖЧ-2026 саралаш ўйиниларига Корея терма жамоасини вақтинчалик маҳаллий мураббий тайёрлаши маълум қилинган эди. Сон Хён Мин бошчилигидаги етакчи футболчилар кореялик мураббийларнинг даражаси туфайли, терма жамоага маҳаллий мураббий тайинланишига қарши эканликларини маълум қилишган.
Март ойидаги ФИФА кунлари учун вақтинчалик мураббий ролига маҳаллий мутахассислардан - Вьетнам терма жамоаси собиқ бош мураббийи Пак Хан Со номзоди кўриб чиқилмоқда.
