Мадриднинг “Реал” клуби бош мураббийи Карло Анчелотти кеча “Севилья”га қарши кечган Ла Лиганинг 26-тур учрашувида ярим ҳимоячи Арда Гюлер нима учун майдонга тушмаганига изоҳ берди.
“Модричнинг голидан олдин Гюлерни тушириш ҳақида ўйлагандим. Бироқ, Лука гол урганидан сўнг, фикримни ўзгартирдим. Бу тактиканинг бир қисми ва Арда буни тушуниши керак", - дейди мураббий.
Учрашув “қироллик” клубининг 1:0 ҳисобидаги ғалабаси билан якунланди. "Реал Мадрид" 65 очко жамғариб, турнир жадвалида пешқадамлик қилмоқда. Мадридликлар энг яқин рақибидан 8 очко олдинда.
